ევროპის გლაუკომის საზოგადოების მხარდაჭერით საქართველოში პირველად გამოიცა სახელმძღვანელო „გლაუკომის ტერმინოლოგია და გაიდლაინები, მე-5 გამოცემა”, ქართულ ენაზე. გაიდლაინები შექმნილია ევროპისა და დიდი ბრიტანეთის წამყვანი ოფთალმოლოგების, კერძოდ გლაუკომის სპეციალისტების დიდი გუნდის მიერ, ასევე მონაწილეობა მიიღეს ამერიკის გლაუკომის საზოგადოებამ და სხვადასხვა ქვეყნის გლაუკომის ექსპერტებმა.

სახელმძღვანელო წარმოადგენს გლაუკომის კლასიფიკაციის, დიაგნოსტიკისა და მკურნალობის რეკომენდაციებს ოფთალმოლოგებისთვის. გაიდლაინი თარგმნილია 12 ენაზე და მე-13 არის ქართული ენა. ეს არის მნიშვნელოვანი ნაბიჯი, რომ ინფორმაცია და სიახლეები გლაუკომის შესახებ იყოს უფრო ხელმისაწვდომი ქართველი ოფთალმოლოგებისათვის.